Væntanlegt: InstaVolt opnar nýjar hraðhleðslustöðvar í Reykholti og á Siglufirði

InstaVolt, sem er leiðandi í uppsetningu hraðhleðslustöðva fyrir ökutæki, opnar sínar nýjustu stöðvar í lok janúar.

Tvær ofurhraðhleðslustöðvar verða opnaðar við þjónustustöð N1 í Reykholti, við hlið verslunarinnar Bjarnabúð, í grennd við Reykholt sem er þekkt fyrir sögu sína og menningu.

Þar að auki verða tvær ofurhraðhleðslustöðvar opnaðar við Sigló Hótel á Siglufirði. Siglufjörður er þekktur fyrir að vera nyrsti bær á Íslandi og á mikla sögu í sjávarútvegi. Hraðhleðslustöðvarnar á báðum stöðum verða knúnar með 100% endurnýjanlegri orku frá HS Orku.

Þetta kemur í kjölfar góðs árangurs InstaVolt undanfarið á Íslandi. InstaVolt opnaði stærstu hleðslustöð landsins, með 20 hleðslutækjum, í júní 2023 við Courtyard by Marriott-hótelið sem er í einungis fimm mínútna fjarlægð frá Keflavíkurflugvelli og tók undir lok síðasta árs í gagnið fjórar ofurhraðhleðslustöðvar við gróðurhúsin í Friðheimum.

InstaVolt, sem er þekkt fyrir áreiðanleika og er auðvelt í notkun þar sem hægt er að greiða með snertilausum debet- eða kreditkortum, er með áætlanir um að setja upp 300 stöðvar á Íslandi á næstu tveimur árum.